யாழ்ப்பாணத்தில் இடம்பெற்ற விபத்தில் சிக்கி 10 வயதுச் சிறுவன் உயிரிழப்பு!
https://youtu.be/c6s1hzXRqzw
யாழ்ப்பாணம் சத்திரச்சந்தி பகுதியில் இன்று இடம்பெற்ற விபத்தில் 10 வயதுச் சிறுவன் உயிரிழந்துள்ளார். யாழ்ப்பாணம் தாவடியைச் சேர்ந்த அஜித்தன் அபிநயன் எனும் பத்து வயதுச் சிறுவனே இவ்வாறு பரிதாபமாக உயிரிழந்துள்ளார்.
தாயாரோடு மோட்டார் சைக்கிளில் சிறுவன் பயனித்த போது பாரவூர்தி மோதியதில் சம்பவ இடத்திலேயே இத்துயரம் நிகழ்ந்துள்ளது. இதனையடுத்து ஆத்திரமடைந்த பொதுமக்கள் பாரவூர்தியை தாக்கி சேதப்படுத்தியுள்ளனர்.
சம்பவ இடத்திற்கு வந்த பொலிஸார் நிலமையை கட்டுக்குள் கொண்டுவந்ததுடன் சாரதியை கைது செய்தனர். பாரவூர்தியும் பொலிஸ் நிலையத்திற்கு கொண்டுசெல்லப்பட்டுள்ளது. மேலதிக விசாரணைகளை யாழ் போக்குவரத்து பொலிஸார் மேற்கொண்டு வருகின்றனர்.
