கிண்ணியா பொலிஸ் பிரிவுக்குட்பட்ட, ஏழு புளியடி மீள்குடியேற்ற கிராமப் பகுதியில் நேற்று (10) காலை 6.30 மணியளவில் டைனமைட் வெடித்ததில் குடும்பஸ்தர் ஒருவர் உயிரிழந்துள்ளார்.
பெரிய கிண்ணியா கட்டையாறு பகுதியைச் சேர்ந்த நான்கு பிள்ளைகளின் தந்தையான 58 வயதுடையவரே இவ்வாறு உயிரிழந்துள்ளார்.
வெளிநாட்டில் இருந்து வந்த மனைவி தனது கணவனுடன் வாழ விருப்பமில்லை என கூறியுள்ளார். இதன் காரணமாக மனம் சோர்வடைந்த கணவன், வெடித்து செத்துப் போவேன் என பலரிடம் கூறியுள்ளார்.
கூறியபடியே இன்று (10) காலை 6.30க்கு தனது இடுப்பில் வெடிக்கும் டைனமைட் வெடிபொருளைக் கட்டிக் கொண்டு வெடிக்கவைத்து உயிரிழந்துள்ளார்.
உயிரிழப்பு தொடர்பான மேலதிக விசாரணைகளை கிண்ணியா பொலிஸார் முன்னெடுத்து வருகின்றனர்.
