இலங்கை தமிழரசுக் கட்சியின் தலைவர் பதவிக்கான தேர்தலில் 184 வாக்குகளைப் பெற்று நாடாளுமன்ற உறுப்பினர் சிவஞானம் சிறீதரன் புதிய தலைவராகத் தெரிவு செய்யப்பட்டுள்ளார்.
இலங்கை தமிழரசுக் கட்சியின் தலைவர் பதவிக்கான தேர்தல் இன்று (21) திருகோணமலையில் இடம்பெற்றது.
இலங்கைத் தமிழரசுக் கட்சியின் புதிய தலைவர் பதவிக்காக நாடாளுமன்ற உறுப்பினர்களான சிறீதரன், சுமந்திரன் மற்றும் முன்னாள் பாராளுமன்ற உறுப்பினர் யோகேஸ்வரன் ஆகியோர் போட்டியிட்டனர்.
குறித்த தலைவர் தெரிவிற்கு தமிழரசுக் கட்சியின் 346 பொதுக்குழு உறுப்பினர்கள் வாக்களிக்க தகுதி பெற்றிருந்த நிலையில் தேர்தல் நிறைவடைந்து வாக்குகள் எண்ணப்பட்டு அதன் முடிவுகள் சற்று நேரத்திற்கு முன்னர் வெளியானது.
இதில் திரு.சிவஞானம். சிறீதரன்184 வாக்குகளையும் திரு.எம்.ஏ. சுமந்திரன் 137 வாக்குகளையும் பெற்றிருந்த நிலையில் அதிக வாக்குகள் பெற்ற அடிப்படையில் நாடாளுமன்ற உறுப்பினர் சிவஞானம் சிறீதரன் இலங்கைத் தமிழரசுக் கட்சியின் புதிய தலைவராகத் தெரிவு செய்யப்பட்டுள்ளார்.
