இலங்கைத் தமிழரசுக் கட்சியின் தலைவராகத் தெரிவாகியுள்ள நாடாளுமன்ற உறுப்பினர் சிவஞானம் சிறீதரனுக்கு கிளிநொச்சி நகர சித்தி விநாயகர் ஆலயத்தின் முன்பாக வரவேற்பு நிகழ்வு ஒழுங்கமைக்கப்பட்டுள்ளது.
இலங்கை தமிழரசுக் கட்சியின் தலைவர் பதவிக்கான தேர்தல் இன்று (21) திருகோணமலையில் இடம்பெற்றது. அதில் 184 வாக்குகளைப் பெற்று நாடாளுமன்ற உறுப்பினர் சிவஞானம் சிறீதரன் புதிய தலைவராகத் தெரிவு செய்யப்பட்டார்.
அதனையடுத்தே இலங்கைத் தமிழரசுக் கட்சியின் தலைவராகத் தெரிவாகியுள்ள நாடாளுமன்ற உறுப்பினர் சிவஞானம் சிறீதரன் அவர்கள் இன்று மாலை 5.30 மணிக்கு கனகபுரம் மாவீரர் துயிலும் இல்லத்தில் மாவீரர்களுக்கு மரியாதை செலுத்தவுள்ளதோடு அவருக்கு மாலை 6:00 மணிக்கு கிளிநொச்சி நகர சித்தி விநாயகர் ஆலயத்தின் முன்பாக வரவேற்பு நிகழ்வும் ஒழுங்கமைக்கப்பட்டுள்ளது எனத் தெரிவிக்கப்படுகின்றது.
