இலங்கை தமிழரசுக் கட்சியின் புதிய தலைவராக தெரிவு செய்யப்பட்டுள்ள சிவஞானம் சிறீதரன், கனகபுரம் மாவீரர் துயிலும் இல்லத்திற்குச் சென்று மாவீரர்களுக்கு அஞ்சலி செலுத்தியுள்ளார்.
இலங்கை தமிழரசுக் கட்சியின் தலைவர் பதவிக்கான தேர்தல் இன்று (21) திருகோணமலையில் இடம்பெற்றது. அதில் 184 வாக்குகளைப் பெற்று நாடாளுமன்ற உறுப்பினர் சிவஞானம் சிறீதரன் புதிய தலைவராகத் தெரிவு செய்யப்பட்டார்.
அதனையடுத்தே இலங்கைத் தமிழரசுக் கட்சியின் தலைவராகத் தெரிவாகியுள்ள நாடாளுமன்ற உறுப்பினர் சிவஞானம் சிறீதரன் அவர்கள் இன்று மாலை கனகபுரம் மாவீரர் துயிலும் இல்லத்தில் மாவீரர்களுக்கு அஞ்சலி செலுத்தினார்.
அத்துடன் கிளிநொச்சி நகர சித்தி விநாயகர் ஆலயத்தின் முன்பாக அவருக்கு வரவேற்பு நிகழ்வு ஒழுங்கமைக்கப்பட்ட நிலையில் கிளிநொச்சி நகர சித்தி விநாயகர் ஆலயத்தில் வழிபாடுகளில் ஈடுபட்டார்.
