தைத்திருநாளில் துயரம்! இரு மாணவர்கள் கடலில் மூழ்கி காணாமல் போயுள்ளனர்!
மட்டக்களப்பு கிரான் நாகவத்தை கடலில் மூழ்கி இரு மாணவர்கள் காணாமல் போயுள்ளனர். இத்துயர சம்பவம் இன்று நிகழ்ந்துள்ளது. சம்பவம் தொடர்பில் தெரியவருவதாவது
தைப்பொங்கல் தினமென்பதால் ஒரே வகுப்பில் கல்விபயிலும் ஏழு மாணவர்கள் கடலில் நீராடியுள்ளனர். மூவர் கடலில் அடித்துச் செல்லப்பட்ட நிலையில் ஒரு மாணவன் மீட்கப்பட்டுள்ளார். இரண்டு மாணவர்கள் காணாமல் போயுள்ளனர்.
கிரானைச் சேர்ந்த ஜீ. சுஜாநந்தன்(16) ,
ச. அக்சஜன்(16) எனும் மாணவர்களே காணாமல் போயுள்ளனர். காணாமல் போன மாணவர்களைத் தேடும் பணியில் கடற்படையினர், சுழியோடிகள் மற்றும் மீனவர்கள் ஈடுபட்டு வருகின்றனர். தைப்பொங்கல் தினத்தன்று இரண்டு மாணவர்களின் நிலை அப்பகுதியில் துயரத்தை ஏற்படுத்தியுள்ளது.
