யாழ் நகரில் இளைஞன் அடித்துக்கொலை!
யாழ்ப்பாணம் KKS வீதி சிவலிங்கப்புளியடி பகுதியை சேர்ந்த இளைஞர் ஒருவர், நாச்சிமார் கோவிலடிப்பகுதியில் உள்ள வீடொன்றில் அடித்துக் கொலை செய்யப்பட்டுள்ளார், இந்த சம்பவம் இன்று ( 23) நண்பகல் நிகழ்ந்துள்ளது.
கொல்லப்பட்ட இளைஞர் போதைப்பொருள் பாவனைக்கு அடிமையானவர் என்பதுடன், அதனுடன் தொடர்புடைய சம்பவத்தினால் கொலை செய்யப்பட்டிருக்கலாம் என தெரிவிக்கப்பட்டுள்ளது.
சடலம் பிரேத பரிசோதனைக்காக யாழ் போதான வைத்தியசாலையில் வைக்கப்பட்டுள்ளது. சம்பவம் தொடர்பில் யாழ் பொலிஸார் விசாரணைகளை மேற்கொண்டு வருகின்றனர்.
