மோட்டார் சைக்கிள்கள் நேருக்கு நேர் மோதி ஏற்பட்ட விபத்தில் இருவர் உயிரிழந்துள்ளதுடன் ஒருவர் படுகாயமடைந்துள்ளதாக பொலிஸார் தெரிவித்துள்ளனர்.
இந்த விபத்துச் சம்பவம் பாணந்துறை பின்வத்த பிரதேசத்தில் இன்று செவ்வாய்க்கிழமை (26) காலை இடம்பெற்றதாக பின்வத்த பொலிஸார் தெரிவித்தனர்.
விபத்தில் உயிரிழந்தவர்கள் பாணந்துறை மற்றும் பின்வத்த பிரதேசங்களைச் சேர்ந்தவர்கள் என பொலிஸார் தெரிவித்தனர்.
வாத்துவாவில் இருந்து வந்த மோட்டார் சைக்கிள் பின்வத்த பிரிவென வீதியில் திரும்ப முற்பட்ட போது பாணந்துறையில் இருந்து வந்த மோட்டார் சைக்கிள் நேருக்கு நேர் மோதி விபத்து சம்பவித்துள்ளதாக பொலிஸார் தெரிவித்தனர்.
விபத்து தொடர்பான மேலதிக விசாரணைகளை பின்வத்த பொலிஸார் மேற்கொண்டு வருகின்றனர்.
