மாடு திருடிய யாழ் பொலிஸ் உத்தியோகத்தர் கைது!
யாழ்ப்பாணம் புங்குடுதீவு பகுதியிலிருந்து 9 மாடுகளை திருடி வந்த சந்தேக நபர்கள் கைது செய்யப்பட்டுள்ளதாக யாழ்ப்பாணம் பொலீஸார் தெரிவித்துள்ளனர்.
மண்டைதீவு காவலரனில் வைத்து நேற்று இரவு சந்தேகத்துக்குரிய வாகனத்தை சோதனைக்குட்படுத்திய போது மாடுகள், சித்திரவதைக்கு உள்ளான நிலையில் இறைச்சிக்காக கொண்டு சென்ற நிலையில் மீட்கப்பட்டது
இச்சம்பவத்தில் ஈடுபட்ட யாழ்ப்பாணம் பொலிஸ் நிலைய குற்றத் தடுப்பு பிரிவில் கடமையாற்றும் பொலிஸ் உத்தியோகத்தர் ஒருவரும், புத்தளம் பாலாவி ஹிஜ்ரத்புரம் பகுதியச் சேர்ந்த இருவரும் திருட்டு குற்றச்சாட்டில் கைதுசெய்யப்பட்டுள்ளனர்.
சந்தேகநபர்கள் மூவரையும் யாழ்ப்பாணம் நீதவான் நீதிமன்றத்தில் முற்படுத்த நடவடிக்கை எடுக்கப்பட்டுள்ளதாக பொலிஸார் தெரிவித்துள்ளனர்.
