‘இந்தியாவை நம்பி பயன் இல்லை’ தமிழரசுக்கட்சி மத்திய குழு கூட்டத்தில் சுமந்திரன்!
இந்தியாவை நம்பி பயன் இல்லை என்று இலங்கை தமிழரசுக் கட்சியின் மத்திய குழு கூட்டத்தில் நாடாளுமன்ற உறுப்பினர் சுமந்திரன் தெரிவித்துள்ளார். அவர் அங்கு மேலும் தெரிவிக்கையில்
அண்மையில் வெளிநாடுகளுக்கு சுற்றுப்பயணம் மேற்கொண்டு பல நாடுகளின் பிரதிநிதிகளைச் சந்தித்திருந்தோம். ஐரோப்பிய வெளிவிவகார அமைச்சர் எமது பிரச்சினை தொடர்பில் கவனம் செலுத்துவதற்கு தயாராக உள்ளனர்.
நாம் இந்தியாவை நம்பிக்கொண்டிருப்பதில் பயனில்லை. இந்தியா எமக்கு எதுவும் செய்யாது. எனவும் இந்தியாவை நம்பிக்கொண்டிராமல் மேற்குலக நாடுகளின் ஆதரவினை பெற்றுக்கொள்ள வேண்டும் எனும் சாரப்பட கருத்து தெரிவித்துள்ளார்.
சுமந்திரனின் உரை தொடர்பில் தமிழரசுக் கட்சியின் மத்திய குழு கூட்டத்தில் கலந்துகொண்டவர்கள் எவ்வித கருத்தும் கூட்டத்தில் தெரிவிக்கவில்லை.
இந்தியாவை பகைத்தோ அல்லது தவிர்த்தோ எமக்கு எதுவும் நடக்காது. இந்தியாவை பகைத்தால் என்ன நடக்கும் என்று ஆயுதப் போராட்டத்தின் முடிவு தெளிவாகச் சொல்கிறது. நாம் இந்தியாவுடன் நட்புறவை வளர்க்க வேண்டும் என கூட்டத்தில் கலந்துகொண்ட சில முக்கியஸ்தர்கள் தமக்குள் பேசிக்கொண்டதாக நம்பகமாக தெரியவருகிறது.
