ஈரானில் காணாமல் போன அமெரிக்க விமானப் பணியாளர்கள்: தேடுதல் காரணமாக இஸ்ரேல் தாக்குதல் தாமதம்?

📍 இடம்: மத்திய கிழக்கு | 📅 தேதி: 04 ஏப்ரல் 2026

ஈரான் பகுதியில் காணாமல் போன அமெரிக்க போர் விமான பணியாளர்களைத் தேடும் நடவடிக்கைகள் தீவிரமாக நடைபெற்று வரும் நிலையில், அந்தப் பகுதியில் திட்டமிடப்பட்ட தாக்குதல்களை இஸ்ரேல் இராணுவம் தாமதப்படுத்தியுள்ளதாக சர்வதேச ஊடகங்கள் தகவல் வெளியிட்டுள்ளன.

CNN, Associated Press (AP) மற்றும் Channel 12 ஆகியவற்றின் தகவலின்படி, தேடுதல் நடவடிக்கைகள் நடைபெறும் பகுதிகளில் தாக்குதல்கள் ஒத்திவைக்கப்பட்டதாக கூறப்படுகிறது.

CNN வெளியிட்ட தகவலில், இஸ்ரேல் அதிகாரி ஒருவர் அந்தப் பகுதியில் தாக்குதல்கள் தற்காலிகமாக நிறுத்தப்பட்டுள்ளதாக தெரிவித்துள்ளார்.

அதேவேளை, Channel 12 வெளியிட்ட செய்தியில், மூத்த இஸ்ரேல் அதிகாரி ஒருவரை மேற்கோள் காட்டி, திட்டமிடப்பட்ட தாக்குதல்கள் முழுமையாக ரத்து செய்யப்பட்டதாகவும் தெரிவிக்கப்பட்டுள்ளது.

மேலும், Associated Press வெளியிட்ட தகவலின்படி, மீட்பு நடவடிக்கைகள் நடைபெற்று வருவதால் சம்பந்தப்பட்ட பகுதிகளில் வான்தாக்குதல்கள் தற்காலிகமாக நிறுத்தப்பட்டுள்ளதாக கூறப்படுகிறது.

இந்த நடவடிக்கை தொடர்பாக பேசிய இஸ்ரேல் அதிகாரி, “இந்நடவடிக்கை தொடர்ந்து நடைபெற்று வருவதால் பெயர் வெளியிடப்படக்கூடாது” என்ற நிபந்தனையில் தகவல் வழங்கியதாகவும் Associated Press தெரிவித்துள்ளது.

இதேவேளை, Israel Defense Forces (IDF) இந்த தகவல்களை இதுவரை அதிகாரப்பூர்வமாக உறுதிப்படுத்தவில்லை.

Editor: கதிர்