கிளிநொச்சியில் புகையிரதக்கடவை மூடப்பட்டிருந்த நிலையில், வீதியை கடக்க முற்பட்ட குடும்பஸ்தர் ஒருவர் உயிரிழந்துள்ளார்.
கிளிநொச்சி டிப்போ வீதிக்கு அண்மித்த பகுதியில் 5.00 மணியளவில் குறித்த விபத்துச் சம்பவம் பதிவாகியுள்ளது.
புகையிரதக்கடவை மூடப்பட்டிருந்த நிலையில், தடைக்குள்ளால் நுழைந்து சென்றவர் புகையிரதம் வரும் திசையைக் கவனிக்கமால் எதிர்திசையை மட்டும் கவனித்துவிட்டு வீதியைக் கடக்க முற்பட்ட நிலையில், புகையிரதம் மோதித்தள்ளியது. சம்பவ இடத்திலேயே குறித்த இளைஞர் உயிரிழந்துள்ளார்.
சம்பவத்தில், விநாயகபுரத்தைச் சேர்ந்த ஐந்து பிள்ளைகளின் மதன் என்ற குடும்பஸ்தரே உயிரிழந்துள்ளார்.
சம்பவம் தொடர்பில் கிளிநொச்சி பொலிஸார் மேலதிக விசாரணைகளை மேற்க்கொண்டு வருகின்றனர்.
