தமிழகத்தின் பிரபலமான தொலைக்காட்சியில் நடத்தப்பட்டு வரும் சரிகமப இசை நிகழ்ச்சியின் இறுதிப்போட்டியில் யாழ்ப்பாணத்தைச் சேர்ந்த கில்மிஷா முதலிடத்தைப் பெற்று சாதனை படைத்த நிலையில் அவரது வெற்றியை அரியாலை கலைமகள் சனசமூக பகுதி மக்கள் கொண்டாடியுள்ளனர்.
யாழ்ப்பாணம் – அரியாலை கலைமகள் சன சமூக நிலையத்திற்கு அருகாமையில் வசித்துவரும் கில்மிஷா சரிகமப இசைப் போட்டியில் கலந்துகொள்ளுவதற்காக இலங்கையில் இருந்து தெரிவுசெய்யப்பட்டார்.
போட்டியின் ஒவ்வொரு சுற்றிலும் தனது இனிமையான குரலால் நடுவர்களை மட்டுமன்றி ஒட்
டுமொத்த மக்களையும் தன் வசப்படுத்தி இறுதிச்சுற்றுக்குத் தெரிவானார் கில்மிஷா.
இந்த நிலையில் இசை நிகழ்ச்சியின் இறுதிச்சுற்று நேற்று சென்னை- நேரு உள்ளக விளையாட்டரங்கில் நடைபெற்றது. இறுதிச்சுற்றில் மொத்தம் 6 போட்டியாளர்கள் கலந்துகொண்ட நிலையில் யாழ்ப்பாணம் – அரியாலையைச் சேர்ந்த கில்மிஷா முதலிடத்தைப் பெற்று சாதனை படைத்தார். இதன்போது அவரது வெற்றியை அவரது ஊர்மக்கள் மிக்க மகிழ்ச்சியோடு கொண்டாடினர்.
