வைத்தியசாலைக்குள் நுழைந்த வன்முறைக் கும்பலால் பரபரப்பு!
வவுனியா பொது மருத்துவமனைக்குள் நுழைந்த வன்முறைக் கும்பல் ஒன்று அங்கிருந்த ஒருவர் மீது தாக்குதல் நடாத்த முற்பட்டதால் வைத்தியசாலைக்குள் பரபரப்பு ஏற்பட்டது. சம்பவ இடத்திற்கு பொலிஸார் வந்ததையடுத்து அடாவடியில் ஈடுபட்ட கும்பல் தப்பிச்சென்றுள்ளது.
இச்சம்பவம் நேற்று மாலை இடம்பெற்றுள்ளது. வைத்தியசாலைக்குள் நுழைந்த கும்பல் ஒன்று நோயாளர் ஒருவரை பார்வையிட வந்துள்ளதாக கூறி பார்வையாளர் பகுதியில் காத்திருந்துள்ளனர். பாஸ் நடைமுறை காரணமாக இந்த கும்பலால் நோயாளர் விடுதிக்குள் நுழைய முடியவில்லை .
இந்நிலையில் நோயாளர் விடுதியிலிருந்து வெளியே வந்த ஒருவர் மீது குறித்த கும்பல் தாக்குதல் நடாத்த முயற்சித்துள்ளது. எனினும் உடனடியாக விரைந்து வந்த பொலீசாரைக் கண்டதும் கும்பல் தப்பிச்சென்றுள்ளது. சம்பவம் தொடர்பில் வவுனியா பொலிஸார் விசாரணைகளை மேற்கொண்டு வருகின்றனர்.
