இரண்டு பிள்ளைகளின் தந்தை சடலமாக மீட்பு!
இரண்டு பிள்ளைகளின் தந்தை ஒருவர் பளை பகுதியில் A9 வீதியிலிருந்து சடலமாக மீட்கப்பட்டுள்ளார். இச்சம்பவம் இன்று அதிகாலை நிகழ்ந்துள்ளது.
பளை முல்லையடியைச் சேர்ந்த இரண்டு பிள்ளைகளின் தந்தையான இளந்திரையன் என்பவரே சடலமாக மீட்கப்பட்டுள்ளார்.
இன்று அதிகாலை பளை A9 வீதியில் ஒருவர் வீழ்ந்து கிடப்பதை அவதானித்த மக்கள் நோயாளர் காவுவண்டி ஊடாக பளை வைத்தியசாலைக்கு எடுத்துச் சென்றுள்ளனர். எனினும் குறித்த நபர் ஏற்கனவே உயிரிழந்துள்ளதாக வைத்தியர்களால் தெரிவிக்கப்பட்டுள்ளது.
பிரேத பரிசோதனையின் பின்னரே உயிரிழப்பிற்கான காரணம் தெரியவரும் என பொலிஸார் தெரிவித்துள்ளனர். இது தொடர்பில் பளைப் பொலிஸார் விசாரணைகளை மேற்கொண்டு வருகின்றனர்.
