வவுனியா பஜார் வீதியில் ஆண் ஒருவர் அடித்து கொலை!
வவுனியா பஜார் வீதியில் ஆணொருவர் அடித்து கொலை செய்யப்பட்ட நிலையில் நேற்றையதினம் இரவு சடலமாக மீட்கப்பட்டுள்ளார்.
https://youtu.be/CkQ4GfVOCuM
குறித்த நபர் வவுனியா நகரப்பகுதியில் அமைந்துள்ள கடையொன்றின் வாயிலில் இரத்தம் வெளியேறிய நிலையில் சடலமாக காணப்பட்டதை அவ்வீதியால் சென்றவர்கள் அவதானித்து பொலிஸாருக்கு தகவல்
வழங்கினர்.
இதனையடுத்மு சம்பவ இடத்திற்கு சென்ற வவுனியா பொலிஸார் சடலத்தினை மீட்டுள்ளனர்.
சம்பவத்தில் வவுனியா நகரப்குதியில் நாட்டாமை (பொதி சுமக்கும்) தொழிலில் ஈடுபடும் முத்து வயது 40 என்பவரே சடலமாக மீட்கப்பட்டுள்ளார்.
இச்சம்பவம் தொடர்பில் வவுனியா பொலிஸார் தடவியல் பொலிஸாரின் உதவியுடன் விசாரணைகளை முன்னெடுத்து வருகின்றனர்.
இதேவேளை குறித்த நபரை மற்றொருவர் தாக்கும் காட்சிகள் அருகில் இருந்த கண்காணிப்பு கமராவில் பதிவாகியுள்ளது. இதனையடுத்து சம்பவத்துடன் தொடர்புடைய ஒருவர் வவுனியா பொலிஸாரினால் இன்று காலை கைது செய்யப்பட்டுள்ளமை குறிப்பிடத்தக்கது
