இலங்கை கடற்படையால் கைது செய்யப்பட்ட தமிழக மீனவர்கள் 14 பேருக்கும் விளக்கமறியல் பிறப்பிக்கப்பட்டுள்ளது.
யாழ்ப்பாணம் -காரைநகர் பகுதியில் அத்துமீறி மீன்பிடியில் ஈடுபட்ட 14 தமிழக மீனவர்கள் கடற்படையினரால் நேற்று கைது செய்யப்பட்டனர்.
கைது செய்யப்பட்டவர்கள் ஊர்காவற்றுறை நீதிமன்றத்தின் பதில் நீதவான் சரோஜினிதேவி இளங்கோவன் இல்லத்திற்கு கொண்டு செல்லப்பட்டு அவரின் முன்னிலையில் முற்படுத்தப்பட்டனர். இதன்போதே மீனவர்கள் 14 பேரையும் எதிர்வரும் 28 ஆம் திகதி வரை வளக்கமறியலில் வைக்குமாறு பதில் நீதவான் உத்தரவிட்டார்.
இதில் இரு மீனவர்கள் உடல் நலக்குறைவு காரணமாக சிகிச்சைக்காக தெல்லிப்பழை ஆதார வைத்தியசாலையில் அனுமதிக்கப்பட்டுள்ளனர். இந்த மீனவர்களை மல்லாகம் நீதிமன்ற நீதவான் மருத்துவமனைக்கு நேரில் சென்று பார்வையிட்டு விசாரணைகளை மேற்கொண்டுள்ளமை குறிப்பிடதக்கது.
