யாழ். மாவட்ட செயலகம், மற்றும் யாழ்.மாவட்ட அனர்த்த முகாமைத்துவ நிலையத்தின் எற்பாட்டில், ஆழிப்பேரலையின் உயிர்நீத்த மக்களின் 17 ஆவது ஆண்டு நினைவேந்தல் அஞ்சலி நிகழ்வு இன்று (26) யாழ் மாவட்ட செயலகத்தில் இடம்பெற்றது.
யாழ் மாவட்ட அனர்த்த முகாமைத்துவ கிளையின் அலுவலகத்தின் உதவிப்பணிப்பாளர் என். சூரியராஜ் தலைமையில் இடம்பெற்றது.
ஆரம்ப நிகழ்வாக தேசியக்கொடியினை மாவட்ட செயலாளர் கணபதிப்பிள்ளை மகேசன் எற்றியதை தொடர்ந்து நினைவேந்தல் அஞ்சலி நிகழ்வு பிரதான கேட்போர் கூடத்தில் இடம்பெற்றது.
இவ்நிகழ்வில் பிரதம அதிதியாக யாழ். மாவட்ட செயலாளர் கணபதிப்பிள்ளை மகேசன், யாழ். மாவ்ட்ட மேலதிக அரசாங்க அதிபர் மருதலிங்கம் பிரதீபன் ஆகியோர்கள் கலந்துகொண்டு உயிர் நீத்த உறவினர்களுக்கு அகல் தீபவொளி விளக்கேற்றி அஞ்சலி செலுத்தினார்கள்.
இதன் போது சர்வமத தலைவர்கள் உயிர்நீத்த உறவுகளுக்கு நினைவுச்சுடர்கள் ஏற்றியும் அவர்களுக்கான ஆத்மா சாந்திவேண்டி பிராத்தனையும் இடம்பெற்றது.
