சம்பளத்திற்காக பிச்சை! இன்னும் என்னென்ன நடக்கப் போகுதோ யாழ்ப்பாணத்தில்!
யாழ்ப்பாணத்தில் உள்ள விடுதி உரிமையாளர் ஒருவர் தென்னிலங்கையைச் சேர்ந்தவர்களை கூலிக்கு அமர்த்தி பிச்சை பெற்று வருவதாக கிடைத்த தகவலை அடுத்து அண்மைய நாட்களில் பல்வேறு இடங்களில் கைது நடவடிக்கை முன்னெடுக்கப்பட்டது.
அதனடிப்படையில் சாவகச்சேரி நகரில் பிச்சை பெற்றவர்கள் நேற்றுக் கைது செய்யப்பட்டனர்.இது தொடர்பில் மேலும் தெரியவருவதாவது:-
யாழ்ப்பாணத்தில் விடுதி ஒன்றை நடாத்தி வரும் ஒருவர் பிச்சை எடுப்பதற்காக தென்னிலங்கையிலிருந்து ஆட்களை கூலிக்கு அழைத்து வந்துள்ளார்.பிச்சை பெறுபவர்களின் பணம் தினமும் குறித்த விடுதி உரிமையாளரிடம் ஒப்படைக்கப்பட்டுள்ளது. பிச்சை எடுப்பவருக்கு தினக்கூலி வழங்கப்பட்டுள்ளது.
கூலிக்கு பிச்சை எடுத்து வருவதாக பல தரப்பினராலும் குற்றஞ்சாட்டப்பட்டது. அதனடிப்படையில் பொலீஸார் விசாரணைகளை மேற்கொண்டு வருகின்றனர்.
