தமிழ் திரையுலகின் பிரபல இயக்குநரான ஷங்கரின் மகள் அதிதி ஷங்கர் விருமன் படம் மூலம் திரையுலகிற்கு அறிமுகமானவர்.
அறிமுகமான படத்திலே தனது சிறந்த நடிப்பை வெளிப்படுத்தி அதன்பிறகு முன்னணி நடிகர் சிவகார்த்திகேயனுடன் மாவீரன் படத்திலும் நடித்திருந்தார்.
இந்த நிலையில் அதிதி ஷங்கர் பிரபல முன்னணி நடிகரான சூர்யாவுடன் இணையவுள்ளதாக தகவல் வெளியாகியுள்ளது.
இயக்குனர் சுதா கொங்கரா இயக்கும் சூர்யாவின் 43 ஆவது படத்தில் துல்கர் சல்மான், நஷ்ரியா, விஜய் வர்மா மற்றும் பலர் முக்கிய கதாபாத்திரத்தில் நடிக்கின்றனர்.
2டி தயாரிக்கும் இப்படத்திற்கு ஜி.வி.பிரகாஷ் இசையமைக்கிறார். இந்தப் படம் ஜி.வி.பிரகாஷின் 100 ஆவது படமாகும். இப்படத்தின் முதல் ரெக்கார்டிங் வெற்றிகரமான பாடகி ‘தீ’ யுடன் ஆரம்பித்துள்ளதாக ஜி.வி.பிரகாஷ் தெரிவித்திருந்தார்.
இந்த நிலையில் ‘ சூர்யா- 43’ படத்தின் புதிய தகவல் வெளியாகியுள்ளது. அதன்படி, படத்தில் சூர்யாவிற்கு ஜோடியாக அதிதி ஷங்கர் நடிக்கவுள்ளதாகக் கூறப்படுகிறது. மேலும் நடிகை நஷ்ரியா இப்படத்திலிருந்து விலகியிருப்பதாகவும் கூறப்படுகிறது.
