ஊசி போட்ட தாதிக்கு அங்க சேட்டை, சந்தேகநபர் கைது!
மாங்குளம் பகுதியில் கொரோனாத் தடுப்பூசி ஏற்றும் நடவடிக்கைகள் முன்னெடுக்கப்பட்டு வருகின்றன. இந்நிலையில் கொரோனாத் தடுப்பூசி ஏற்றும்போது தாதிக்கு அங்க சேட்டை புரிந்தவர் தொடர்பில் மாங்குளம் பொலிஸ் நிலையத்தில் முறைப்பாடு பதிவுசெய்யப்பட்டது.
முறைப்பாட்டிற்கமைய விசாரணைகளை முன்னெடுத்த மாங்குளம் பொலிஸார் சந்தேகநபரைக் கைது செய்து நீதிமன்றத்தில் முற்படுத்தினர். இதனையடுத்து எதிர்வரும் 5ம் திகதி வரை சந்தேகநபரை விளக்கமறியலில் வைக்குமாறு நீதிமன்றம் உத்தரவிட்டுள்ளது.
கொரோனாத் தொற்று அச்சுறுத்தலிலும் அர்ப்பணிப்புடன் பணியாற்றும் தாதியர்களுடன் அநாகரிகமாக நடந்துகொள்ளும் இவ்வாறான மைனர்க் குஞ்சுகள் மீது கடுமையான நடவடிக்கை எடுக்க வேண்டும் என சமூக ஆர்வலர்கள் கோரிக்கை முன்வைத்துள்ளனர்.
