கிளிநொச்சியில் பயங்கரம். இளைஞன் குத்திக் கொலை!
பரந்தன் சந்தியில் இளைஞன் குத்திக் கொலை. போத்தலை உடைத்து குத்தியதில் இளைஞன் உயிரிழந்துள்ளார். மற்றொருவர் படுகாயம். இச்சம்பவம் நேற்று (01) இரவு நிகழ்ந்துள்ளது.
இச்சம்பவத்தில் பரந்தன் 13 ம் வீதியைச் சேர்ந்த கார்த்திக் எனும் 24 வயதான இளைஞன் உயிரிழந்துள்ளார். சம்பவம் தொடர்பில் மேலும் தெரியவருவதாவது
உயிரிழந்தவருக்கும் கொலைச் சந்தேக நபருக்கும் இடையே காலை தொடக்கம் முரண்பாடு ஏற்பட்டுள்ளது. இரவு 7 மணியளவில் உயிரிழந்தவரின் நன்பர் ஒருவர் மீது தாக்குதல் நிகழ்வதான தகவலையடுத்து உயிரிழந்தவர் அப்பகுதிக்கு வந்தபோது சந்தேகநபருக்குமிடையில் முரண்பாடு ஏற்பட்டது.
முரண்பாட்டின் போது சந்தேகநபர் போத்தலை உடைத்து குத்தியுள்ளார். தடுக்க முற்பட்ட உயிரிழந்தவரின் மருமகன் முறையானவர் மீதும் குத்திய சந்தேகநபர் அப்பகுதியிலிருந்து தப்பிச் சென்றுள்ளார்.
காயமடைந்தவர் கிளிநொச்சி வைத்தியசாலையில் அனுமதிக்கப்பட்டு மேலதிக சிகிச்சைக்காக யாழ் போதனா வைத்தியசாலையில் அனுமதிக்கப்பட்டுள்ளார்.சம்பவம் தொடர்பில் கிளிநொச்சி பொலிஸார் மேலதிக விசாரணைகளை மேற்கொண்டு வருகின்றனர்.
